家居維修: 浴室漏水

發生什麼大件事；浴室漏水，樓下投訴食環署要立時維修。
莫講投訴，漏水搞到樓下鄰居都唔好意思，但係點整呢？使唔使將成個浴室拆開，重新大執一次呢？以下是我的經歷。

漏水情況：
黃埔花園，80年尾入伙至今成廿幾年，水管走地台，漏水事件難免。
樓下浴室整個天花濕潤，有水珠，微漏水。

食環處介入：
樓下於去年十二月通知食環處，今年三月尾測試漏水源頭，六月出警告信謂"整個浴室地台"有漏水情況，必須維修妥。
一句講晒，呢個部門極廢。
- 工作效率差，需時6個月才出報告。
- 通知咗食環署，單位是出租樓，並留底業主地址。警告信只寄去出租單位，以及只貼在出租單位門口，官僚！
- 報告無聊無內容，樓下浴室天花濕，唔使試水都知道係地台漏水，測試漏水的目的，無非係找出源頭，對症下藥，浴室有坐廁、浴缸、洗臉盆、地台，亦有分供水管噴漏和去水管慢漏。漏水可能是本單位漏，亦可能是上層漏水影響下層。既然三月份測試漏水，一啲都講唔到測到啲乜野。

以為等食環署份測驗報告維修，免得整個廁所大裝修，結果失望而回。

解決方法：
- 先同樓下了解漏水情況，講聲對唔住
- 自行測試每一個去水位漏水情況
- 搵3個合資格既有水喉牌既承建商，比較下佢地既改善建議、服務態度和價錢
- 將漏水的地方維修好
- 測試下完工後，樓下既滲漏應完全改善

經此一役，我對漏水維修了解加深，如有朋友遇有漏水煩惱，可電郵給我交流心得。

菠蘿油王子